أخبار عاجلة
الرئيسية / في الصميم / فين رايحين؟!!

فين رايحين؟!!

المستشار جميل عوض يكتب عين العقل

كنا زمان نبدأ اليوم بكلمات وعبارات جميله نتسابق لنقولها لبعض ونتفنن فى الرد عليها فى البيت الشارع الحارة المدرسه الجامعه الشغل وكان لكل وقت عبارة معروفه مميزة سهله فى النطق قليله الاحرف ولكنها فى المعنى عظيم وله قيمه وتنشر الاحترام بينا على سبيل المثال الصباح شوف نعد كام معنى صباح الفل صباح الخير صباح الجمال صباح السعادة وكان الرد صباحك عسل صباحك ورد صباحك نادى صباحك نرجس وياسمين وقول زى ما انت عايز من كلمات حلوة رقيقه تتمنى الأذن تسمعها تدخل القلب كالبرق وكلها تدل على الاخوة والجيرة والحب وكنا نقول نهارك سعيد نهارا وليلتك سعيدة ليلا وكانت هذة الكلمات الرقيقه مرتبطه بالألقاب يعنى صباح الفل ياماما يابا يأفندم ياهانم يابيه ياباشا وكلا بلقبه وكيانه .

وكنا نسبق أى حوار بكلمات معسوله بالادب والرقه مثل لو تسمح لو تكرمت الله يغزك أتفضلى يا هانم ممنون شاكر فضلك عاجز عن الشكر ألف سلامه مليون مبروك وكنا نحافظ على المواعيد ونعتذر للتأخير ونبتسم فى المقابله ونتعاتق فى الوداع وكان العناق حار أربع بوسات او تقبيل أيد الست او الراجل لو كان فى مقام الأب مش عيب بل محبه ووقار كنا محترمين محبين مقدرين لبعض وأسف للمقارنه بالان لايوجد نوع من المقارنه قط جيل غريب عجيب محشى هواء وعقول خاويه جيل لبسه مقطع زى عقله فارغ جيل أختزل كل العبارات الرقيقه فى الصبح والليل وكل المناسبات فى كلمه واحدة لا اعرف لها معنى.

من أين اتى بها هذا الجيل هذا الطين وهى أشطه الصبح فى مقابله بعضهم أشطه فى الليل اشطه تحديد ميعاد أشطه اعتذار عن ميعاد اشطه عالم أصبح أشطه كله بهذة العبارة أصبحنا نعيش فى ذريبه وكلها جاموس بيخلب لبن وأشطه فين الذوق العام كله أصبح اشطه انا بقولهم جيل الاشطه حرام وممكن الاب والام تعجبه الكلمه ويكررها من باب التغيير او التحرر او مسايرة الوضع وكله بقى أشطه عل. فين رايحين فى أشطه ولاطين جاتنا خمسين فى ستين نحن كلنا السبب ولابد ان نحاسب ونعاقب جيل ضاع وضيع أحلى لغه لغتنا العربيه ضاع كل شىء لكن يوجد امل نعم ولكن بدون أشطه.

https://arbstars.com

شاهد أيضاً

العذاب فى الحياة

المستشار جميل عوض يكتب فى الصميم العذاب فى الحياة متعه بدون فلسفه حلاوتها فى مراراتها …

Facebook Auto Publish Powered By : XYZScripts.com