الرئيسية / ثقافة وأدب / قصيدة / كن نفسك

قصيدة / كن نفسك

كن نفسك ومتقلدش
متكونش غيرك متستسهلش
من قيمة نفسك متقللش
حتي انا متقلدنيش
ذيك ذيي الفرق مافيش
متقلدش غيرك وتفتخر
أعلن شخصك وابتكر
كل إنسان وليه مواهب
كن موجب مش سالب
أصنع شخصك وبيدك
تكون أفضل وما يكون قدك
متتمناش تكون تاني
كن انت الأصل الأولاني
اكتشف مواهبك انت ودور
هاتكون أعظم من ما تتصور
كن نفسك كيانك لا تتغير
كن مثل وكون قدوة
أرادتك هي أصل القوة
بص في نفسك هتلاقي
عالم مليئ مفاجأت جوه
متموتش شخصك بالتقليد
كن نفسك انت بكل جديد
أوعي تكون أخرك تقلدني
انا عايز تنجح وتسبقني
محبة وسلام مافيش حقد
اسندك وانت تشجعني
ربك في المواهب بيقسم
اعرف مواهبك واتقدم
دور في نفسك تلاقي نفسك
متستضعفش نفسك وتتندم
بص علي غيرك وأتعلم
لكن أوعي في مره تقلد
اعمل بكلامي تبقي معلم
خلي الكل يكون زيك
مش أنك تكون غيرك
خليهم يتمنوا يكونوا شبهك
فنن وأبدع في مصيرك
متتخيلش مره أنك عاجز
صدقني هاتنجح لو عايز
أتعب شوية وهتلاقي
مافيش حاجة بتيجي ع الجاهز
الدكاتره كانوا طلبة في جامعة
والمهندسين كانوا تلاميذ
ودلوقي صورتهم لامعة
محدش أستاذ ألا وكان تلميذ
ولع في ظلام فشلك شمعة
شمعة نجاح ف يكون لك تمييز
وقصتك هاتكون أرشاد ومراجعة
وهتحس بنجاح غير عادي
ومن الفرحة هتفر الدمعة
مافيش حاجة بتيجي ببلاش
والحاجة من نفسها متتعدلش
ماتعيش في الحياة كده بلاش
وكأن دخولك ليها متسجلش
اعمل ما عليك والباقي علي الله
وكله جاي بميعاد متستعجلش
لكن أسمع بجد كلامي
وشغل النهارده لبكره متأجلش
وأيه يعني فشلت مره
حاول تاني مش هتموت متخافش
كن نفسك شخصك ومتقلدش
متزعلش لو أختل الميزان
ربك بيدبر في كل مكان
علشانك يغير أوقات وأزمان
وليكن شعارك كل يوم
الله هو معين الإنسان
متبكيش ع الماضي ولا تتحثر
أتشدد بإلهك اللي يقول أقدر
واللي خلقك مسابكش لوحدك
ده بيخلق مستقبل وأجمل منظر
كلمات الشاعر/كيرلس فوزي

https://arbstars.com

شاهد أيضاً

حبورك يا وردة : الشاعرة / ريما منصور الصفدي (سوريا)

حبورك يا وردة من دمي ومياهكِ العذبة دمع عيني توهّجتِ يا وردة فملكتيني أبوح لكِ …

WP Facebook Auto Publish Powered By : XYZScripts.com