الرئيسية / تكنولوجيا ومعلومات / رسالة الى الكثير من مناديب شركات السياحة فى فنادق مصر

رسالة الى الكثير من مناديب شركات السياحة فى فنادق مصر

بقلم / محمد مختار
مش عشان تكسب شوية دولارات من السائحين بتوع الشركة اللى انت شغال فيها تقوم مطلع المصريين حرامية ومجرمين وارهابيين ومغتصبين
مينفعش وانت قاعد مع السائحين فى الفندق تحزرهم من انهم يشتروا من المحلات اللى فى الاسواق السياحية وتوقف حال الناس علشان انت مش متعاقد معاها فتخوفهم من الناس اللى شغالة فى المحلات وتقول انهم هيسرقوكم او هيخطفوكم او هيغتصبوا مراتتكم وبناتكم والكلام العبيط ده
لان السائح هيعرف انك كنت بتضحك عليه لما يلاقى ناس محترمة اتعامل معاها وساعتها هيبقى منظرك وحش جدا
مش لازم تمشى الناس فى طابور وراك وتوديهم على محلات معينة علشان تخد عمولتك
سيب السياح يتمشوا براحتهم ويشتروا براحتهم والناس كلها تشتغل لان ما ينفعش محلات معينة بس هى اللى تكون شغالة وباقى المحلات مش شغالة
فهمهم ان الشارع امان والمصريين محترمين وان كل الناس اللى شغالة فى المحلات بتخاف على السائح وعاوزاه يرجع تانى .
بطل انانية وحب بلدك اكثر ما بتحب نفسك
فماتشوهش ولاد بلدك علشان شوية فلوس لان ولاد بلدك هم بلدك

https://arbstars.com

شاهد أيضاً

الخميس… ندوة “التعديلات الوراثية.. وتكنولوجيا التحسين الوراثي”

كتب حسن الشامي تنظم أكاديمية البحث العلمي والتكنولوجيا ندوة “تكنولوجيا التصويب الجيني وأولويتها لمصر” والتي …

WP Facebook Auto Publish Powered By : XYZScripts.com