ثقافة وأدب

قصيدة حكاية شمس

و بقولها

ليه بتغيبي ف وقت الليل
مع انك يا شمس مابتحسيش
انا الواد اللي ضهري بيميل
و كان محتاج ف نهارك يعيش

يا شمس …. !!

ليه بتبخلي عليا
وف نهارك بتلسعيني
وكأني دور ف مسرحيه
وف غيابك بتوحشيني

خايف ياشمس من يوم رضاكي
تغيبي عني
لاقدر اشوفك زي زمان
ولا تقربي تاني مني
عارفه يا شمس يوم مابتغيبي
بحس ان قلبي بيكبر سني

كان نفسي اكون لك طفل يكبر
يوم ما تظهري يفرح بنهارك
كان نفسي اكون لك جيش يحارب
و يوم ما تغيبي ياخد بطارك

يا شمس !!!!

ليه سبتيني في عز البرد
وانا لوجودك مشتاق
ده يوم جرحك اتجرح الورد
و قالوا عن حبي ليكي نفاق
نفاق لما حبيتك و سبتيني
نفاق لما نكرتي انك تعرفيني
طب ليه لما بتسألي عليا ؟
مش بتقولي انك بتحبني!
دانا بخايف اكون كذاب
وانا في كل قصيده بقولك واحشتيني ؛

غلبان يا شمس و نهارك ظلام
وبشتاق لحضن الليل عشان انام
عشان ارتاح ف حضن الهموم علي وساده
و دموعي تجف من وجع الكلام

انا لما قولتلك بحبك ف الخفاء
كان فكري طافح !!!
شيلت من بعدك مليون اه
وكنت برضوا بكافح
كنت بكافح عشان بحبك
كنت بكافح عشان اشيل قلبك
بدل ما قلوب البشر يا شمس
اللي بتتسبب ف جرح غلبك

قربت يا شمس اطفي نورك
واروح كل اللي بيفرح بظهورك
حتي الواد اللي فرحان بيكي
هايرجع تاني يشبع من كسورك

اصل الحب يا شمس مش فتره
و لا جرح هيضمه حبيب
انا كل يوم بتصلب جحد
وبذوق الام براء ع الصليب
انا كل يوم بذوق جرح
لتاج شوك مجرم عجيب

لكني بصبر عليكي يا شمس

بس من الليلادي مافيش نهار
و حبي اللي كان ليكي
اصبح من دلوقتي دمار
وصبرك عليا هاطفيكي
وهالغيكي و هاكسرك
واخد منك مليون تار

و من الليلادي و ف شتاكي
هاتظهري
و زي مبتولعي في الصيف
هاتولعي في الشتاء
وزي ما قالوا عليا ضعيف
هاخلي وجعك يدي حياه

كلمات ابرام كمال

زر الذهاب إلى الأعلى
WP2Social Auto Publish Powered By : XYZScripts.com
إغلاق