أخبار عاجلة
الرئيسية / موضوعات قد تعجبك / الوصول للحلم عمره ما كان مرتبط بسن او عمر معين

الوصول للحلم عمره ما كان مرتبط بسن او عمر معين

كتب محمود سعدربما تحتوي الصورة على: ‏‏شخص واحد‏، و‏‏‏على المسرح‏ و‏منظر داخلي‏‏‏‏

مازال شباب مصر وشباب الأزهر يبهرون العالم بانجازاتهم وتحقيق حلمهم فكان من بين هؤلاء شخصية شبابية واعدة استطاعت ان تحقق حلمها بقوتها وإرادتها وتوكلها علي الله فكانت هي زينب محمد التي تحكي قصتها وتبدا
انا زينب محمد السيد
عندي 16 سنه
في تانيه ثانوي علمي ازهري
انا في البدايه الموهبه بدأت عندي من وانا عندي حوالي 7 سنين كدا كنت بغني اللي هو اطفال و كدا مش عارفه من صغري كنت اما بحط الحاجه في دماغي بعملها🤚🏻
متعوده ان مفيش ( مستحيل) بدات ادخل كورال المدرسه بقا واغني و المدرسين يدربوني و كدا
صوتي كان عادي ساعتها لحد ما دخلت اعدادي و دخلت ساعتها معهد فتيات المنطقه السادسه دا معهدي
من هنا بدا المشوار كنت بغني عادي كالعاده في الاذاعه المدرسيه كل يوم بداو يعملو مسابقه علي مستوي المعهد دخلت و جربت حظي خدت مركز اول علي مستوي المعهد في الانشاد الديني الفردي.
بعدها اتصعدت علي مستوي غرب القاهره و خدت مركز اول و بعدين مستوي القاهره و بردو اخدت مركز اول و بعدين اتصعدت علي مستوي الجمهوريه و اخدت مركز بردو🤚🏻
طبعا شاركت في حفلات معرض الكتاب اللي كانت في جناح الأزهر و طبعا قبلها كانت بيكون في معسكرات تدريبيه من هنا اتعرفت علي ناس من جميع المحافظات المنشدين بقا و بدأت اتعرف اكتر علي ثقافة الانشاد الديني لاني كان صوتي حلو مش اكتر و مكنتش اعرف ايه هو (الانشاد الديني) بالضبط بدا كذا حد يقولي انتي ليه مدخلتيش مدرسة الانشاد و نقابة الانشاد بدأت اسال نفسي ؟ ربما تحتوي الصورة على: ‏شخص واحد‏ربما تحتوي الصورة على: ‏شخص واحد‏
ايه دا؟
في مدرسه الانشاد؟
في نقابة الانشاد؟؟
في نقيب المنشدين!؟
ساعتها بس حياتي اتغيرت 180 درجه علي الرغم من اني سني صغير و شاركت في حفلات كتير تبع الازهر زي بردو مهرجان الازهر للفن و الابداع🏻
علي الرغم من اني عمري ما هنسي اول مره دخلت اختبارت مدرسه الانشاد الديني ساعتها اتشرفت باساتذتي و اساسي اللي عمري ما هنسي فضلهم
استاذي و استاذ و نقيب المنشدين الشيخ محمود التهامي و استاذي اللي دايما بيتعب معانا المايسترو مصطفي النجدي و استاذي الكبير الشيخ طه الاسكندراني من هنا دخلت الاختبارات ولما كنت بسمع الناس اللي داخلين كنت بقلق و شايفه اني مش هنجح بس لا وكلت امري لربنا و دخلت اللجنه العظيمه دي و عمري ما هنسي كلمة المايسترو ليا اول مره سمعني فيها (الله الله الله ايه الاحساس دا! انتي و انتي صغير كنتي بترضعي غنا يابنتي!) علي الرغم ما اني كنت هاويه مش فاهمه حاجه بغني باحساسي و صوتي خلاص الا أن كلمه زي كدا من شخص زي المايسترو يقولهالي حاجه كبيره جدا️ و بالفعل نجحت و بدأت احول موهبتي لاحتراف واحده واحده درست المقامات الاساسيه و اساتذتنا عمرهم ما بخلو علينا باي سؤال او باي معلومه
خلصت فترة الدراسه في المدرسه و نجحت و انضميت لمنتخب الانشاد الديني
طلعت حفلات كتير تبع النقابه و استاذي الشيخ محمود التهامي علي مسرح الهناجر و علي مسرح قصر الامير طاز
و من هنا و برغم صغر سني
حصل الشرف الكبييييير اوي ليا و انضميت لاوركسترا وزارة الشباب والرياضة
طلعت حفلة 30 يونيو في مركز شباب الجزيره و غنيت اغنية المصريين اهما
علي الرغم من اني طلعت علي مسارح كتير بس المره دي كانت مختلفه قاعد قدامي ناس مهمه و نخبه من النواب طبعا و طبعاا ام الشباب
دكتور امل اللي فعلا ربنا يعلم هي بالنسبالي ايه وانا بحبها ازاي
و طبعا وزير الشباب والرياضة الدكتور اشرف صبحي
ف كان الموضوع مختلف تماما
كانت هنا بقا احساس الفرحه و الفخر لما خلصت اغنيتي برغم صغر سني و انها كانت اول حفله ليا في الاوركسترا بس بعد ما خلصت غنا النخبه اللي كانو قدامي و الدكتور طلبو يسلمو عليا بعد الاغنيه بتاعتي و عجبتهم جدااا و ساعتها بجد فرحت اوي اوي و حسيت بالانجاز اللي في حياتي
و الناس انبهرو بيا و حرفيا كان من احلي الاحساس في حياتي
و طلعت حفلة العيد القومي لمحافظه القاهره
وبردو عجبتهم جدااااااااااااا
واجهت صعوبات و احباطات كتييييير اوي عشان سني و اللي يقولي لسه قدامك ومش هتوصلي و مش ومش ومش ….
بس لا فعلا انا لسه قدامي المشوار و المشوار دا لسه مخلصش و لسه هوصل وهوصل بامر الله
و الحمدلله انا بقيت بغني و بنشد و محصرتش نفسي في مجال معين
و خدت جائزه اوسكار من اصغر المنشدين المعتمدين في مصر و من اصغر اعضاء اوركسترا وزارة الشباب والرياضة
طبعا كان في صعوبات و غلطات و كل حاجه بس اساتذتي علموني ان الغلط مش عشان نقع الغلط عشان نتعلم منه حتي لو هيجرحنا
زي ما كان في ناس كتير بتحاول توقعني يكفيني ان اساتذتي دايما في ضهري و معايا

https://arbstars.com

شاهد أيضاً

الرئيس السيسي: دراجة لكل طالب جامعى مع بداية العام الدراسى القادم

كتب مصباح العربى تجول الرئيس السيسي مساء أمس بالمعموره محافظة الإسكندرية في رحلة بدراجات الهوائية …

اترك تعليقاً

WP2FB Auto Publish Powered By : XYZScripts.com