الرئيسية / ثقافة وأدب / •• لحد إمتى ••

•• لحد إمتى ••

•• أشعار •• بقلم / عمادالدين العيطة
ياما ناس .. فى الدنيا
عايشة قادرة وفاجرة ..
وفاكرة إن الظلم عادى
وغيرها ناس داقت المر ..
بس صابرة
وناس خلقها ربى عبرة
أهو كله قدام عيونى وقصادى
وهنحلم بنور إزاى ..
وقلوبنا من جواها ضلمة
دا حتى لون الورد أصبح رمادى
مخنوق وياخنقة سمايا بسوادها
فين راح قمرها الليلادى
والفرحة ليه بس بتغير صفتها
مش سألة فينا مهما ننادى
ومهما نرسم بلون الحب
ونلون حيطانها
ومهما نحلم ونكتب أسامى
تيجى رياح الغدر تكسر حيطانها
ونعيش حياتنا تايهة جوانا الأسامى
ولحد إمتى هفضل ألعن ميلادى
ولحد إمتى هفضل أعلن حدادى ..؟
عمادالدين العيطة

https://arbstars.com

شاهد أيضاً

▪قطار الصمت▪ شعر : عماد الدين العيطة 

جلست فى قطار الصمت على المقعد الأخير جالساً .. لا اتكلم فقط أتأمل وأتألم كأنى …

WP2FB Auto Publish Powered By : XYZScripts.com