مقالات وآراء

إبويا البطل السيد سليمان بقلم حسن السيد سليمان ابن البطل

احتفالا بنصر أكتوبر العظيم
ما اقدرش ما اذكرش والدي /جندي مقاتل بطل/السيد سلمان. الذي حمل روحه على عاتقه وخاض فترة الخدمة العسكرية ملبيآ لنداء الوطن
من قبل نكسه 1967الي نصر أكتوبر 1973
لم يتوانى لحظة عن الدفاع عن بلده
ويروي لي ما خاضه في الحرب وما قبلها مواقف يشيب لها الجبين
كان بينزل إجازات كل سنة على حسب الظروف لدرجة ان جدي ووالدتي كان بيقولوا انه استشهد


لكن كان بيطمنهم بجوابات اوصورة مكتوب ✍️ على ضهرها انه كويس ما تقلقوش 😔

الصورة دي بتاعتي انا حسن السيد سلمان

قبل ما ادخل الجيش ابويا قالي هتروح سيناء عشان تحمي الأرض اللي جابها ابوك في الحرب
وفعلاً دخلت الجيش في 2017واشتركت في العملية الشاملة في سيناء للقضاء على الإرهاب
والله كنت بشم في التراب ريحة ابويا وكل حكايته عن الفترة اللي قضاها في سينا

والصورة دي لطيارة إسرائيلية وقوعها هو رفاقه بيحكيلي اللحظات دي وهو في قمة التأثر اي حد هيقعد مع ابويا إجباري لازم يسمع منه حكايته دي عشان هي فعلاااااااا أعظم إنجاز وتضحيه قدمها لبلده بيحب البلد دي اوووي

وبيحكيلي لما سافر الأردن 🇯🇴 عشان يراقبوا الطيران الإسرائيلي من هناك كانوا متخفين بلبس بدو عشان محدش يعرفهم، كان لما يعدي عسكري إسرائيلي قدامهم ابويا العرق الصعيدي يطلع وعايز يضربه والظابط اللي معاه يهديه وابويا يقول هو ده العدو اللي مطلع عنينا واغتصب أرضنا والله لو مسكته هاكله بسناني
أتعرض للموت كتير وكان بينجو بأعجوبة فضل هو زمايله في النكسه 17يوم من غير ميه إلا زمزميه واحد لتر لكل واحد كانوا يبلوا شفايفهم بس وما يشربوش ومعظم زمايله استشهدوا

ابويا بطل ومؤخرا رفض ظهوره إعلامياً
وقالي جملة حلوة “انا عملت اللي عليا وربنا هو اللي هيجازيني عنه” مش محتاج شهرة من حد “💚

عاش البطل ابويا

زر الذهاب إلى الأعلى
WP2Social Auto Publish Powered By : XYZScripts.com
إغلاق