أخبار مصر

مدرس يحكي معاناه المعلمين والمعلمات بأسيوط

كتب شحاتة أحمد

على مواقع التواصل الإجتماعي الفيسبوكية يغرد الاستاذ محمد غريب قائلا : نفسي القى صحفى واحد بيدور على حقوق المعلم والمعانة التى يمر بها من مواصلات وكثافة فصول وإرهاق مادى ومعنوي ، وعدم حصولة على مرتب يجعلة يعيش حياة كريمة ، ابسط حاجة انا موظف من ١٩٩١ لية ٢٨ سنة تعرف مرتبى كام وعندى ٥ أولاد منهم بنت معاقة … تخيل كده مرتبى كام ٢٨ سنة خدمة وبقبض ٢٨٠٠ جنيه، هكذا كان نص التغريدة.

ولحظة التواصل مع الاستاذ محمد غريب للحديث معه قال ان مش حكاية فردية لكن للاسف الشديد ، فى زى كدة كتير و منتدب إلى مدارس الزاوية ودرنكة يصرف مواصلات واكل وشاى في المدرسة يصرف حوالى ٢٠ جنية يوميا ، ولو بيشرب سجاير ٢٠ كمان ، يبقى ٦٠٠ مواصلات وشاى وزيهم سجاير يبقى ١٢٠٠ جنية وكمان نقول ١٠٠ تحت بند ملابس علشان مظهره قدام التلاميذ ، يبقى باقى ١٥٠٠ منهم نور ومياة ٢٠٠ وانبوبتين بوتاجاز نقول ١٥٠ ومجارى ١٥٠ ، باقى ١٠٠٠ جنية نقسمهم على ٣٠ يوم اكل وشرب ولبس للعيال ومصاريف مدرسة يعنى كل واحد ٢٠٠ جنية فى الشهر على ٣٠ يوم يعنى تفطر وتتغدى وتتعشي ٧ جنية ولما تتعب تموت علشان مفيش فلوس تكشف عند دكتور ، مرتبي فين يا حكومة.

والنشطاء علي مواقع التواصل الإجتماعي الفيسبوكية عايزين تعليم طيب ازاى كل الهموم دى شيلها المعلم وبيفكر فيها ويقدر يعلم ١٠٠ طفل فى الفصل ، وغير كل دة متابعة وتوجيه قصدى تفتيش ومحاسبة لو مش محضر ولازم يكون فى المدرسة قبل ٨ الصبح والباشا مدير المدرسة يترسم علية لو اتاخر وكل يوم لجنة تمر من الإدارة ومرة من المديرية ومرة من الوزارة وللعلم اغلب لجان المتابعة أصغر من أحدث معلم فى السن ومش فاهمين هما حافظين هذه هي الحقيقة التي لا ينكرها أحد.

مع ذلك وزير التعليم كل يوم شعارات تطوير التعليم ومحاربة الفساد والاستبداد تجاوزات المقصرين، والحقيقة أن المعلمين والمعلمات في معاناه ابادية، وكثافة طلابية و عجز صارخ للمعلمين في جميع المدارس بأسيوط، والحكومات في صمت ونوم عميق نتيجته كارثة كبري تقصي علي بقايا المدرسين.

زر الذهاب إلى الأعلى
WP2Social Auto Publish Powered By : XYZScripts.com
إغلاق