ثقافة وأدب

خواطر & أدب : حرروا فلسطين

،، عمادالدين العيطة ،،

أنا سامع .. أنين طالع ..
من تحت التراب والطين
بيقول : فداك يافلسطين
وصوت الشهيد بينادى ..
ع السامعين
” وبشر الصابرين ”
وسامع صوت الولاد بينادوا
فين .. صلاح الدين
فين الشهامة … فين
فين .. ضمير المسلمين
وإلا إنتوا مش فاكرين
وإلا العرب خايفين
أمى وأبويا ماتوا ..
بين إيدين خاينين
وأنا واقف ع النحية دى
واقف لوحدى ياناس
ماسك بين إيديا الطين
طينك .. يافلسطين
أنا واقف لوحدى
ماسك كتاب الدين
وبقول الله أكبر ..
ع اللى مش حاسين
ع اللى سابونى لوحدى
شايل فوق دماغى الطين
ليه ياعرب ساكتين ..
ماتحرروا فلسطين ..!!
عماد الدين العيطة

زر الذهاب إلى الأعلى
WP2Social Auto Publish Powered By : XYZScripts.com
إغلاق