موضوعات قد تعجبك

لازم نفهم صح

كتبت \ منى درغام
فى المقال ده عايزين نصحح بعض المفاهيم الخاطئة
مفيش حاجه اسمها احنا بنشترى راجل ..
لان الراجل مش حاجه ماديه تتشرا ..
مفيش حاجه اسمها المهم انه هيقدر يعيشك ..
لان الماديات عمرها ماهتكون سبب كافى لانه يعيشك ..
سهل جدا يعيشك ماديا ويموتك كل ثانيه نفسيا ..
مفيش حاجه اسمها المهم أخلاقها وانها متربيه وبنت ناس ..
لان اخلاقها مش هتملى عينه بيهم لو محبهاش ..
اخلاقها ممكن يستخدمها سلاح ضدها لو حب يخونها ..
…..
الجواز مش ضل راجل ولا ضل حيطه ..
لو دى وجهه نظرك فى الجواز اركنى واستخبي جنب اى حيطه ..
ساعتها هتحسي بالضل اللى بتدورى عليه اكتر ..
……..
الجواز مش معناه انك تلغى شخصيتك فيه ..
لاء ع فكره أنفراد كل واحد برأيه وشخصيته هيقربكم لبعض اكتر ..
عالاقل هيخلق بينكم رووح ومجاال للكلام والنقاش ..
تبادل وجهات النظر ساعتها هيكسر الروتين اللى ممكن يخنقكم ..
مش معنى انك خايف من قوة شخصيتها تهرب منها ..
أو تحاول دايما تكسرها وتخبى ضعفك فى السيطره عليها …
……..
حافظى على كونك أنثى …
مش معنى انك ليكى أحلام وطموحات انك تقتلى روح الانوثه جواكى ..
الوسطيه حلوة فى كل حاجه .. حبي شغلك واحلامك .. بس برده حبي الانثى اللى جواكى ..
……..
الرجوله مش معناها انك تستقوى وتكسر فيها ع قد ماتقدر علشان تثبت انك الأقوى ..
الأقوى هو الأقوى بالمشاعر والحب .. هو الأقوى بالتفكير ..
الأقوى يعنى الأكتر فى القدره ع الأحتواء .. والأطمئنان ..
طمنها وأحتويها وقدرها .. وساعتها بس هتحس انك الأقوى ع العالم كله .

مقالات ذات صلة

زر الذهاب إلى الأعلى
WP2Social Auto Publish Powered By : XYZScripts.com
إغلاق