كلام فى سرك

كتب : منى درغام

عزيزى الزوج
خلى بالك.. اوعى تسافر وتبعد بالسنين.. وتشتغل بره وتسيب مراتك لوحدها هنا , وتقول أنا بابعتلها مصاريف تكفيها وتعيشها كويس
البنت مش بتتزوج علشان المصاريف والفلوس
البنت بتبقى عايزاك انت
عايزة حد يقف معاها ولما تحصل مشكلة تلاقيك معاها
تلاقي حد تتسند عليه وقد الشدة
تلاقي حد تحكيله وتضحك معاه
حد تحتمي فيه وقت الخطر

المشكلة لما تسيبها لوحدها سنين

كتير من الشباب لما يسافر ويسيب زوجته فترات طويلة , لما بيرجع بيحس بحاجة غريبة
إن زوجته بتعامله كأنه ضيف تقيل مستنياه يمشي
فبيستغرب ,,, مع إنه السبب
المشكلة إن المرأة لما بتتساب لوحدها في مواجهة المشاكل بتتعود تبقى هى راجل البيت
هى إللي تتصرف وتتحرك وتفكر وتدبر
فلما يجي الزوج بعد سنين غياب ويبتدي يمارس دوره بيلاقي عدم تقبل منها , فيحتد عليها ويبتدي يقمعها
فيلاقي منها صدود ونفور غريب

إللي انت مش فاهمه… إنك تحولت لمجرد ضيف
واحد بيبعت فلوس وبس , وسيبتها لوحدها كتير
فصعب جدا تيجي تلاقيها نفس البنت الرقيقة إللي تزوجتها
والعيب مش عليها والله

المشكلة التانية هى أولادك إللي لما بتنزل من السفر مش بتلاقي منهم لهفة وشوق ليك
لأنك ببساطة بالنسبة لهم تحولت من ” بابا ” لــ ” بابا نويل “
واحد ظريف بيجيب لهم هدايا وفلوس
غير كدة لأ

خليك مع زوجتك وأطفالك ,,, ولو لازم تسافر يبقى لازم تاخدهم معاك وفي حضنك دايما .

https://arbstars.com

شاهد أيضاً

اول مخترع بتصفيات جائزه ستيفن هوكينج

كتبت /عبير امام أول مصرى بتصفيات جائزة ستيفن هوكينج أنافس باحثين من ألمانيا والبرازيل المخترع …

WP2FB Auto Publish Powered By : XYZScripts.com